Заврши првенството за Кире Лазаров, Раул не верува дека капитенот ќе може да игра

Македонија се соочува со огромен хендикеп во пресрет на двата преостанати меча од групата во Вараждин на ЕП во Хрватска, бидејќи, најверојатно, Кире Лазаров не може да игра.

Тоа беа зборовите на селекторот Раул Гонзалес, на прес-конференцијата по поразот од Шпанија (20-31).

„Не верувам дека Лазаров ќе може да игра на наредните два натпревари. Најверојатно остануваме без него до крајот на првенството. Повредата не изгледа добро. Тоа ќе биде голем проблем за нас, бидејќи тој е играч на кој се базира нашата игра и ќе биде многу тешко без него во продолжението“, рече селекторот.

Лазаров се повреди уште пред средината на првиот дел со Шпанија, а проблем беше, по се изгледа, десното колено, бидејќи држеше вреќичка мраз на него, на клупата.