Марадона го смири Португалецот: Роналдо, многу си далеку од најдобар во историјата!

Легендарниот аргентински фудбалер Диего Марадона повторно му порача на Кристијано Роналдо дека е многу далеку од епитетот најдобар во историјата на фудбалот.

Неодамна тој се изнасмеа кога Португалецот самиот себе се прогласи за најдобар на сите времиња. Сега му порача да се прибере.

“Секој има право да зборува што ќе му падне на памет, дури тоа да се големи лаги. Јас не мислам дека Роналдо е најдобар во историјата на фудбалот, всушност сигурно не е. Го почитувам она што го направил во кариерата, но тука завршува се. Во моментов е многу далеку од тоа да биде најдобар на сите времиња”, изјави Марадона.